வரும் 2041-ஆம் ஆண்டுக்குள் அசாமில் இஸ்லாமியர்கள் பெரும்பான்மை அந்தஸ்தை அடைவார்கள் என அம்மாநில முதல்வர் ஹிமந்த விஸ்வ சர்மா தெரிவித்துள்ளார்.
இதுதொடர்பாக கவுஹாத்தியில் செய்தியாளர்களிடம் பேசிய அவர், அசாமில் ஒவ்வொரு பத்தாண்டும் இஸ்லாமியர்களின் மக்கள்தொகை 30 சதவீதம் அதிகரிப்பதாகவும், தற்போதைய கணக்கீட்டின்படி, இஸ்லாமியர்கள் 40 சதவீதம் இருப்பதாகவும் தெரிவித்தார்.
அதேசமயம், இந்துக்களின் வீதம் பத்தாண்டுக்கு 16 சதவீதம்தான் அதிகரிப்பதாக கூறிய அவர், இதே நிலைமை நீடித்தால் வரும் 2047-ஆம் ஆண்டில் இஸ்லாமியர்கள் பெரும்பான்மை அந்தஸ்தை பெறுவார்கள் என்றும் ஹிமந்த விஸ்வ சர்மா குறிப்பிட்டார்.
