பத்திரிகையாளரின் சாதி குறித்து விமர்சித்த சமாஜ்வாதி கட்சி தலைவர் அகிலேஷ் யாதவின் பழைய வீடியோவை பாஜக எம்பி அனுராக் தாக்கூர் வெளியிட்டுள்ளார்.
மக்களவையில் மத்திய பட்ஜெட் விவாதத்தின்போது ராகுல் காந்தியின் சாதி குறித்து அனுராக் தாக்கூர் பேசியதற்கு அகிலேஷ் யாதவ் கண்டனம் தெரிவித்திருந்தார். இந்நிலையில், சாதி குறித்து அகிலேஷ் யாதவ் பேசிய பழைய வீடியோவை அனுராக் தாக்கூர் தனது எக்ஸ் பக்கத்தில் வெளியிட்டுள்ளார்.
“சாதியைப் பற்றி நீங்கள் எப்படி பேசலாம்” என்ற தலைப்பில் வீடியோ வெளியிட்டுள்ள அவர், நாடாளுமன்றத்தில் சாதி குறித்து பேசுவதற்கு அகிலேஷ் யாதவ் பொருத்தமற்றவர் என குறிப்பிட்டுள்ளார்.
