பிரதமரின் வீடு கட்டும் திட்டத்தில் மானியம் பெறுவதற்கான வருமான உச்சவரம்பு பாதியாக குறைக்கப்பட்டுள்ளது.
பிரதமரின் வீடு கட்டும் திட்டத்தின் கீழ் வீட்டு கடனுக்கு வட்டி மானியம் சலுகை அளிக்கப்பட்டு வருகிறது.
200 சதுர மீட்டர் பரப்பளவு கொண்ட வீடு கட்ட 18 லட்சம் ரூபாய் வரை ஆண்டு வருமானம் கொண்டவர்களுக்கு வீட்டு கடனில் வட்டி மானியம் அளிக்கப்பட்டு வந்தது. இந்த விதிமுறையில் மத்திய அரசு திருத்தம் கொண்டு வந்துள்ளது.
அதன்படி 120 சதுர மீட்டர் பரப்பளவு வரையிலான வீட்டு கடன் பெறுபவர்களுக்கு வட்டி மானியம் அளிக்கப்படும். வட்டி மானியம் பெறுவதற்கான உச்ச வரம்பு 18 லட்சம் ரூபாயிலிருந்து 9 லட்சம் ரூபாயாக குறைக்கப்பட்டுள்ளது.
ஏழைகள், குறைந்த வருவாய் பிரிவினர், நடுத்தர வருவாய் பிரிவினர் ஆகிய தகுதி வாய்ந்த பயனாளிகளுக்கு பலன் கிடைப்பதற்காகவே இந்த மாற்றம் கொண்டுவரப்பட்டுள்ளதாக மத்திய அரசு சார்பில் தெரிவிக்கப்பட்டுள்ளது.
