டெல்லி மதுபான கொள்கை முறைகேடு வழக்கில் சிபிஐ கைது செய்ததற்கு எதிராக உச்சநீதிமன்றத்தில் டெல்லி முதல்வர் அரவிந்த் கெஜ்ரிவால் மனு தாக்கல் செய்துள்ளார்.
டெல்லி மதுபான கொள்கை முறைகேடு வழக்கில் முதல்வர் அரவிந்த் கெஜ்ரிவால் அமலாக்கத் துறையினரால் கைது செய்யப்பட்டு திகார் சிறையில் அடைக்கப்பட்டார்.
இந்த வழக்கை சிபிஐயும் விசாரித்து வருவதால், அதிகாரபூர்வமாக கெஜ்ரிவாலை சிபிஐ கைது செய்திருந்தது. ஆனால், சிபிஐ சட்டவிரோதமாக கைது செய்ததாக கூறி, டெல்லி உயர்நீதிமன்றத்தில் அரவிந்த் கெஜ்ரிவால் மனு தாக்கல் செய்தார்.
அந்த மனு நிராகரிக்கப்பட்டதை தொடர்ந்து, உச்சநீதிமன்றத்தில் அவர் மேல்முறையீடு செய்துள்ளார். இதுதவிர சிபிஐ வழக்கில் ஜாமீன் கோரியும் கெஜ்ரிவால் மற்றொரு மனு தாக்கல் செய்துள்ளார். இந்த வழக்கு விரைவில் விசாரணைக்கு வரும் என எதிர்பார்க்கப்படுகிறது.
