தெலுங்கு மக்கள் குறித்து சர்ச்சை கருத்து – நடிகை கஸ்தூரி மீது வழக்குப்பதிவு!

தெலுங்கு மக்கள் குறித்து சர்ச்சை கருத்து தெரிவித்த புகாரில் நடிகை கஸ்தூரி மீது வழக்குப்பதிவு செய்யப்பட்டுள்ளது.

சென்னையில் கடந்த 4-ம் தேதி நடைபெற்ற ஆர்ப்பாட்டத்தில் பங்கேற்ற நடிகை கஸ்தூரி, அந்தப்புரத்திற்கு சேவை செய்ய வந்தவர்கள்தான் தெலுங்கர்கள் என பேசியதாக கூறப்படுகிறது. இந்த கருத்து சர்ச்சையை ஏற்படுத்தியது.

இதுதொடர்பாக நடிகை கஸ்தூரி மீது அகில இந்திய தெலுங்கு சம்மேளனம் சார்பில் அளிக்கப்பட்ட புகாரின் பேரில், கலவரத்தைத் தூண்டும் நோக்கத்தில் செயல்படுதல் உள்ளிட்ட 4 பிரிவுகளின் கீழ் சென்னை எழும்பூர் போலீசார் வழக்குப் பதிவு செய்துள்ளனர். நடிகை கஸ்தூரி மீது 4 பிரிவுகளில் போலீசார் வழக்குப் பதிவு செய்துள்ளனர்.