இலங்கை கடற்படையால் ராமேஸ்வரம் மீனவர்கள் தொடர்ந்து கைது செய்யப்படுவதை கண்டித்து, பாம்பன் பாலத்தில் மீனவர்கள் போராட்டத்தில் ஈடுபட்டனர்.
கடந்த 10ம் தேதி ராமேஸ்வரத்தில் இருந்து மீன் பிடிக்க சென்ற 23 மீனவர்களை கைது செய்த இலங்கை கடற்படை, 3 விசைப்படகுகளையும் பறிமுதல் செய்தது.
கைது செய்யப்பட்ட மீனவர்களை விடுவிக்க வலியுறுத்தி, ராமேஸ்வரம் அனைத்து விசைப்படகு மற்றும் நாட்டுப் படகு மீனவர்கள் சங்கங்கள் சார்பில் பாம்பன் பேருந்து நிலையம் அருகே போராட்டம் நடைபெற்றது.
இதனால், அப்பகுதியில் 300க்கும் மேற்பட்ட போலீசார் குவிக்கப்பட்டனர். மீனவர்களை போலீசார் தடுக்க முயன்றதால் இரு தரப்பினர் இடையே தள்ளுமுள்ளு ஏற்பட்டது.
