முதலமைச்சர் ஜோசப் விஜய்யிடம் விவாகரத்து கோரி தாக்கல் செய்த வழக்கை அவரது மனைவி சங்கீதா வாபஸ் பெற்றுள்ளார்.
முதலமைச்சர் ஜோசப் விஜய், சங்கீதா இருவருக்கும் திருமணமாகி 26 ஆண்டுகள் ஆன நிலையில், கருத்து வேறுபாடு காரணமாக விவாகரத்து வழங்கக்கோரி செங்கல்பட்டு குடும்ப நல நீதிமன்றத்தில் சங்கீதா மனுத்தாக்கல் செய்திருந்தார்.
இந்த மனு நீதிபதி சுஜாதா முன்பு விசாரணைக்கு வந்தது. அப்போது, லண்டனில் இருந்து காணொலி காட்சி மூலம் ஆஜரான சங்கீதா, இந்த வழக்கை தொடர்ந்து நடத்த விரும்பவில்லை என்றும், வழக்கை திரும்பப்பெற அனுமதிக்க வேண்டும் என்றும் கேட்டுக் கொண்டார்.
வழக்கை திரும்பப்பெற அனுமதி கேட்டு சங்கீதா தரப்பு வழக்கறிஞர் மனுத்தாக்கல் செய்தார். மனுவை ஏற்றுக் கொண்டு, சங்கீதா தாக்கல் செய்த விவாகரத்து வழக்கை நீதிபதி முடித்து வைத்தார்.
இருப்பினும், எதிர்காலத்தில் தேவைபட்டால் புதிதாக விவாகரத்து வழக்கு தாக்கல் செய்ய சங்கீதாவுக்கு அனுமதி வழங்கியும் நீதிபதி உத்தரவிட்டார்.
