திருக்கோயில்களுக்கு யானைகளை நன்கொடையாக வழங்குவது தொடர்பான சென்னை உயர் நீதிமன்றத்தின் தீர்ப்புக்கு தமிழக பாஜக மாநில தலைவர் நயினார் நாகேந்திர்ன் வரவேற்பு தெரிவித்துள்ளார்.‘
அவர் விடுத்துள்ள பதிவில், பிற மாநிலங்களிலிருந்து தமிழகக் கோயில்களுக்கு யானைகளை நன்கொடையாக வழங்குவதைத் தமிழ்நாடு வனத்துறை தடுக்க முடியாது என்றும், அசாம் மற்றும் பிற மாநிலங்களிலிருந்து கோயில்களுக்கு யானைகளைக் கொண்டு வர அனுமதிப்பது குறித்து விரைந்து முடிவெடுக்க வேண்டும் என்றும் சென்னை உயர்நீதிமன்றம் வழங்கியுள்ள தீர்ப்பை மனதார வரவேற்கிறேன் என தெரிவித்துள்ளார்.
இது ஆன்மிகப் பெருமக்களுக்கும், பக்தர்களுக்கும் கிடைத்துள்ள பெரும் வெற்றியாகும். திருக்கோயில் உற்சவங்கள், பிரம்மோற்சவங்கள் மற்றும் குடமுழுக்கு நன்னாள்களில் யானைகளின் பங்கு என்பது நமது பாரம்பரிய வழிபாட்டு மரபின் பிரிக்க முடியாத அங்கமாகும்.
எனவே அதன் முக்கியத்துவம் கருதி மறைந்த முன்னாள் முதலமைச்சர் ஜெயலலிதா மேட்டுப்பாளையம் அருகே தேக்கம்பட்டியில் வளர்ப்பு கோயில் யானைகள் மற்றும் மடங்களில் இருக்கும் யானைகளுக்காக ஆண்டுதோறும் நடத்தப்பட்டு வந்த 48 நாள் நலவாழ்வு முகாமை முந்தைய திமுக அரசு அரசியல் காழ்ப்புணர்ச்சியின் காரணமாக நிறுத்திவிட்டது.
கோயில் யானைகள் என்பவை நமது ஆன்மிக அடையாளத்தின் மங்கலச் சின்னங்களாகும். எனவே, இந்து சமய அறநிலையத்துறையின் (HR&CE) கட்டுப்பாட்டில் இயங்கும் அனைத்து வரலாற்றுச் சிறப்புமிக்க மற்றும் பிரசித்தி பெற்ற திருக்கோயில்களுக்கும் யானைகள் நன்கொடையாக வழங்கப்படுவதற்குத் தேவையான நடைமுறைத் தடைகளை நீக்க வேண்டும்.
அதற்கான முன்முயற்சிகளை எடுப்பதோடு, நிறுத்தப்பட்ட “கோயில் யானைகள் சிறப்புப் புத்துணர்ச்சி முகாமை” இந்து சமய அறநிலையத்துறை அமைச்சர் ரமேஷ் உடனடியாக மீண்டும் தொடங்கிட வேண்டும் என நயினார் நாகேந்திரன் வலியுறுத்தியுள்ளார்.
