சிக்கிமில் ராணுவ வீரர்களுடன் தீபாவளி கொண்டாடிய மத்திய பாதுகாப்புத்துறை அமைச்சர் ராஜ்நாத்சிங், நாட்டின் பாதுகாப்பிற்காக ராணுவ வீரர்கள் ஆற்றிவரும் சேவைக்கு மனமார்ந்த பாராட்டு தெரிவித்தார்.
சிக்கிம் மாநிலம் நதுலா பகுதியில் உள்ள ஷெராதாங் போர் நினைவிடத்திற்கு நேரில் சென்ற பாதுகாப்பு அமைச்சர் ராஜ்நாத்சிங், நாட்டின் பாதுகாப்புக்காக உயிர்த்தியாகம் செய்த தியாகிகளுக்கு அஞ்சலி செலுத்தினார். இதைத்தொடர்ந்து, ராணுவ வீரர்களுடன் இணைந்து தீபாவளிப் பண்டிகையை கொண்டாடினார்.
பின்னர் ராணுவ வீரர்கள் மத்தியில் உரையாற்றிய ராஜ்நாத்சிங், ராணுவ வீரர்களின் அர்ப்பணிப்பு, தியாகம் காரணமாகவே, நாட்டு மக்கள் திருவிழாக்களை கொண்டாட முடிவதாகவும், நிம்மதியாக உறங்க முடிவதாகவும் தெரிவித்தார்.
