தீபாவளி பண்டிகை மற்றும் சாத் பூஜைக்காக திருப்பூரில் இருந்து சொந்த ஊர்களுக்கு சென்ற வடமாநில தொழிலாளர்களால் ரயில் நிலையத்தில் கூட்டம் அலைமோதியது.
திருப்பூரில் லட்சக்கணக்கான புலம் பெயர் தொழிலாளர்கள் பணியாற்றி வருகின்றனர். இவர்கள் தீபாவளி பண்டிகை மற்றும் சாத் பூஜையை கொண்டாடுவதற்காக சொந்த ஊர்களுக்கு புறப்பட்டு செல்கின்றனர்.
அந்த வகையில் ஷாலிமார், பரவுனி செல்லும் வடமாநில ரயில்களில் பயணிகள் முண்டியடித்தபடி ஏறினர். இதனால் உள்ளூர் செல்லும் பயணிகளும் கூட்ட நெரிசலில் அவதியடைந்தனர். அந்த வகையில் ரயில் ஒன்று வந்த போது பயணிகள் ஆபத்தை உணராமல் ஜன்னல் வழியாக புகுந்து இடம்பிடித்தனர்.
