சென்னையில் இருந்து சொந்த ஊர்களுக்கு படையெடுத்த மக்கள் – செங்கல்பட்டு அருகே சுமார் 3 கி.மீ. தூரத்திற்கு அணிவகுத்த வாகனங்கள்!

தீபாவளி பண்டிகையை முன்னிட்டு ஏராளமான மக்கள் சொந்த ஊர்களை நோக்கி படையெடுத்ததால், செங்கல்பட்டில் போக்குவரத்து ஸ்தம்பித்தது.

தீபாவளி பண்டிகையை கொண்டாட ஏராளமான மக்கள், சென்னையில் இருந்து ஒரே நேரத்தில் சொந்த ஊர்களை நோக்கி படையெடுத்தனர். இதனால், செங்கல்பட்டு அருகே சுமார் 3 கி.மீ. தூரத்திற்கு வாகனங்கள் வரிசை கட்டி நின்றன.

கடும் போக்குவரத்து நெரிசல் காரணமாக, வாகனங்கள் ஆமை வேகத்தில் ஊர்ந்து சென்றன .

மழையால் சாலை சேதமடைந்துள்ளதும் நெரிசலுக்கு காரணம் எனக் கூறப்படுகிறது. இதையடுத்து போக்குவரத்தைச் சீரமைக்க போலீசார், மாற்றுப் பாதை மற்றும் ஒருவழிப் போக்குவரத்து ஏற்பாடுகளைச் செய்தனர்.