வெற்றி மடிக்கணினி திட்டத்தை 2 ஆயிரம் கோடி ரூபாய் நிதி ஒதுக்கீட்டில் செயல்படுத்த முதலமைச்சர் விஜய் உத்தரவிட்டுள்ளார்.
இது தொடர்பாக வெளியிடப்பட்டுள்ள அறிக்கையில், மாணவர்கள் தொழில்நுட்ப அறிவை மேம்படுத்தவும், திறன் மேம்பாட்டு பயிற்சிகளை மேற்கொள்ளவும் மடிக்கணினிகள் பெரிதும் உதவும் எனவும் இதனைக் கருத்திற்கொண்டு, வெற்றி மடிக்கணினி திட்டத்தை 2 ஆயிரம் கோடி ரூபாயில் செயல்படுத்த முதலமைச்சர் விஜய் உத்தரவிட்டுள்ளதாவும் தெரிவிக்கப்பட்டுள்ளது.
இத்திட்டத்தின் மூலம் 2026-2027 ஆம் கல்வியாண்டில் அரசு மற்றும் அரசு உதவி பெறும் கல்லூரிகளில் பயிலும் மாணவர்களுக்கு மடிக்கணினிகள் வழங்க ஒப்புதல் அளிக்கப்பட்டுள்ளதாக குறிப்பிடப்பட்டுள்ளது.
மேலும், அரசு பொறியியல், பாலிடெக்னிக், ITI, மருத்துவம், கால்நடை மருத்துவம், மீன்வளம், வேளாண்மை, சட்டம் உள்ளிட்ட கல்விப் பிரிவுகளில் பயிலும் முதலாம் ஆண்டு மற்றும் இரண்டாம் ஆண்டு மாணவர்களுக்கும்,
2025-2026 ஆம் கல்வியாண்டில் பயனடையாத அரசு மற்றும் அரசு உதவி பெறும் கல்லூரிகளில் பயிலும் 3 மற்றும் 4ம் ஆண்டு தொழில்முறை படிப்பு மாணவர்களுக்கும் மடிக்கணினி வழங்கப்படும் என தெரிவிக்கப்பட்டுள்ளது.
