தேசமே முதன்மை என்ற கொள்கையுடன் எல்.கே.அத்வானி ஆற்றிய பணிகள் என்றும் ஊக்கமளிப்பவை என பாஜக தேசிய தலைவர் நிதின் நபின் தெரிவித்துள்ளார்.
பா.ஜ.க மூத்த தலைவர் எல்.கே.அத்வானியின் 100-வது பிறந்தநாளை ஒட்டி, டெல்லி பாஜக தலைமை அலுவலகத்தில் சிறப்பு பூஜைகள் நடைபெற்றன. இதில் கட்சியின் தேசியத் தலைவர் நிதின் நபின் உள்ளிட்டோர் பங்கேற்றனர்.
தொடர்ந்து நிகழ்ச்சியில் பேசிய நிதின் நபின், தனது கொள்கையில் உறுதியாக இருந்து, தேசமே முதன்மை என்ற சிந்தனையை முன்னெடுத்ததுடன், நாட்டின் முன்னேற்றத்திற்காக அசைக்க முடியாத அர்ப்பணிப்புடன் செயல்பட்டவர் எல்.கே.அத்வானி என புகழாரம் சூட்டினார்.
வாஜ்பாய் மற்றும் எல்.கே.அத்வானி ஆகிய இரு தலைவர்களின் அசைக்க முடியாத மன உறுதியும், விடாமுயற்சியே பாஜக இந்த அளவுக்கு வளர்ச்சி அடைவதற்கு வழிவகுத்ததாகவும் பாஜக தேசிய தலைவர் நிதின் நபின் குறிப்பிட்டார்.
