தவெக எம்எல்ஏ ஆபாச குறுஞ்செய்தி அனுப்பியதாக கூறப்படும் விவகாரம் சர்ச்சையை ஏற்படுத்தியுள்ள நிலையில், செய்தியாளர்கள் வருவதற்கு முன்பாகவே வரைவு வாக்காளர் பட்டியலை கள்ளக்குறிச்சி மாவட்ட ஆட்சியர் வெளியிட்டார்.
கள்ளக்குறிச்சி மாவட்டத்தில் வரைவு வாக்காளர் பட்டியலை மாவட்ட ஆட்சியர் அலுவலக கூட்டரங்கில், மாவட்ட ஆட்சியர் பத்மஜா வெளியிட்டார். இதில் அனைத்து கட்சிகளின் சார்பில் பலர் கலந்து கொண்டனர். மாவட்டம் முழுவதும் 5 லட்சத்து 61 ஆயிரத்து 404 ஆண் வாக்காளர்களும், 5 லட்சத்து 68 ஆயிரத்து 921 பெண் வாக்காளர்களும், 205 மூன்றாம் பாலின வாக்காளர்களும் என மொத்தம் 11 லட்சத்து 30 ஆயிரத்து 530 வாக்காளர்கள் இடம்பெற்றுள்ளனர். இதில் பெண் வாக்காளர்களின் எண்ணிக்கை ஆண் வாக்காளர்களைவிட அதிகமாக உள்ளது குறிப்பிடத்தக்கது.
