கடந்த சில நாட்களுக்கு முன்பு திருப்பதி கோவிலுக்கு செல்லும் பாதையில் சிறுத்தை தாக்கி சிறுமி உயிரிழந்தது பெரும் சோகத்தை ஏற்படுத்தியது . இந்நிலையில் இதுகுறித்து திருமலை திருப்பதி தேவஸ்தானம் நடவடிக்கை எடுத்துள்ளது.
திருப்பதி மலைக்கோயிலுக்கு சாமி தரிசனம் செய்ய நடந்து செல்லும் பக்தர்களுக்கு கைத்தடி வழங்கப்படும் என திருமலை திருப்பதி தேவஸ்தானம் தெரிவித்துள்ளது.
இது குறித்துத் திருமலை திருப்பதி தேவஸ்தான அதிகாரிகள் அறிவிப்பில், அலிபிரி மற்றும் ஸ்ரீவாரிமெட்டு நடை பாதையில் 12 வயதுக்குட்பட்ட குழந்தைகள் பெற்றோருடன் காலை 5 முதல் மதியம் 2 மணிவரை மட்டுமே அனுமதிக்கப்படுவாா்கள். இரவு 10 மணி வரை பெரியவா்கள் அனுமதிக்கப்படுவாா்கள்.
மேலும் நடைபாதையில் பக்தா்களுக்கு உதவும் வகையில் அனைவருக்கும் கைத்தடி வழங்க திருமலை திருப்பதி தேவஸ்தானம் முடிவு செய்துள்ளது. இதன் மூலம் வனவிலங்குகளை விரட்டியடிக்கவும், தங்களை தற்காத்துக்கொள்ளவும் முடியும். பக்தா்களைப் பாதுகாக்க வனத்துறையின் கீழ் நிபுணத்துவ வனப்பணியாளா்களைப் பணியமா்த்த நடவடிக்கை எடுக்கப்பட்டு வருகிறது.
பக்தா்கள் குழுக்களாக அனுப்பி வைக்கப்பட்டு அவா்களுக்கு பாதுகாப்பு அளிக்கப்படும் எனவும் மேலும் விலங்குகளுக்கு உணவு வழங்குவோா் மீதும், உணவு விற்பனை செய்பவா்கள் மீதும் நடவடிக்கை எடுக்கப்படும். பாதசாரிகள் செல்லும் மலைப்பாதைகளில் 500 கேமராக்கள் அமைக்கப்பட்டுள்ளது.
தேவைப்பட்டால் ஆளில்லா விமானங்களும் பயன்படுத்தப்படும். அதைத்தொடர்ந்து சாலையின் இருபுறமும் வேலி அமைப்பது குறித்து வனத்துறையின் மத்திய, மாநில அதிகாரிகள் ஆய்வுசெய்து அறிக்கை சமா்பிப்பாா்கள். அதன்பிறகு உரிய நடவடிக்கை எடுக்கப்படும் என அம்மாநில வனத்துறையினர் தெரிவித்துள்ளனர்.
