இந்தியாவில் நடைபெற்று வரும் புரோ கபடி தொடரில் நேற்று நடைபெற்ற இரண்டு போட்டிகளில் புனேரி பல்டன் மற்றும் பாட்னா பைரேட்ஸ் ஆகிய அணிகள் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இதில் நேற்று தெலுங்கு டைட்டன்ஸ் மற்றும் புனேரி பல்டன் அணிகள் விளையாடின. இதில் ஆரம்பத்தில் இருந்தே ஆதிக்கம் செலுத்தி வந்த புனேரி பல்டன் அணி 54-18 என்ற புள்ளி கணக்கில் அபார வெற்றியை பதிவு செய்துள்ளது.
புனேரி பல்டன் அணி தான் விளையாடிய 8 போட்டிகளில் 7 போட்டியில் வெற்றி பெற்று புள்ளி பட்டியலில் முதல் இடத்தில் உள்ளது.
நேற்று நடைபெற்ற மற்றொரு போட்டியில் உ.பி. யோதாஸ் மற்றும் பாட்னா பைரேட்ஸ் அணிகள் விளையாடின. இந்தப் போட்டியில் பாட்னா பைரேட்ஸ் அணி வீரர்கள் தங்கள் பங்களிப்பை சமமாக கொடுத்து விளையாடி வர உ.பி. யோதாஸ் அணியில் பிரதீப் நார்வல் மட்டுமே 21 புள்ளிகளை பெற்று தனி ஆளாக போராடி வந்தார்.
இருப்பினும் ஆடமுடிவில் பாட்னா அணி 48-41 என்ற புள்ளிக்கணக்கில் உ.பி.யோத்தாஸ் அணியை வீழ்த்தி வெற்றி பெற்றது. பாட்னா அணி தான் விளையாடிய 9 போட்டிகளில் 5 போட்டியில் வெற்றி பெற்று புள்ளி பட்டியலில் நான்காவது இடத்தில உள்ளது.
