ரஷ்ய இராணுவத்தில் துணைப் பணியாளர்களாகப் பணியாற்றும் இந்திய குடிமக்களை முன்கூட்டியே விடுவிப்பதில் நாங்கள் உறுதியாக இருக்கிறோம் என இந்திய வெளியுறவுத்துறை செய்தி தொடர்பாளர் ரந்தீர் ஜெய்ஸ்வால் தெரிவித்துள்ளார்.
டெல்லியில் செய்தியாளரிடம் பேசிய இந்திய வெளியுறவுத்துறை செய்தித் தொடர்பாளர் ரந்தீர் ஜெய்ஸ்வால்,
“ரஷ்ய ராணுவத்தில் பணிபுரிவதாக பல இந்திய குடிமக்கள் ஏமாற்றப்பட்டுள்ளனர். இதுபோன்ற இந்திய குடிமக்களை முன்கூட்டியே வெளியேற்ற நடவடிக்கை எடுத்துள்ளோம்.
தவறான காரணங்களை கூறி அவர்களை பணியில் அமர்த்திய முகவர்கள் மீது கடும் நடவடிக்கை எடுக்கப்பட்டுள்ளது.
ரஷ்ய இராணுவத்தில் துணைப் பணியாளர்களாகப் பணியாற்றும் இந்திய குடிமக்களை முன்கூட்டியே விடுவிப்பதில் நாங்கள் உறுதியாக இருக்கிறோம், பின்னர் இறுதியில் அவர்கள் வீடு திரும்புவார்கள் எனத் தெரிவித்தார்.
