மகளிர் பிரீமியர் லீக் டி20 கிரிக்கெட் தொடரில் முதல் அணியாக இறுதிப்போட்டிக்கு முன்னேறியது டெல்லி கேபிட்டல்ஸ் அணி.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், ராயல் சேலஞ்சர்ஸ் பெங்களூரு ஆகிய 5 அணிகள் பங்கேற்றுள்ளன.
இந்த தொடரில் 20-வது மற்றும் கடைசி லீக் போட்டி நேற்று டெல்லி அருண் ஜெட்லி மைதானத்தில் நடைபெற்றது. இதில் டெல்லி கேபிட்டல்ஸ் மற்றும் குஜராத் ஜெயன்ட்ஸ் அணிகள் விளையாடியது.
இதில் டாஸ் வென்ற குஜராத் அணி முதலில் பேட்டிங்கை தேர்வு செய்தது. அதன்படி முதலில் பேட்டிங் செய்த குஜராத் அணி 20 ஓவர்கள் முடிவில் 9 விக்கெட்கள் இழப்பிற்கு 126 ரன்களை எடுத்தது.
இதில் அதிகபட்சமாக பாரதி 42 ரன்களை எடுத்து ஆட்டமிழந்தார். அதேபோல் கேத்ரின் எம்மா பிரைஸ் 28 ரன்களை எடுத்து கடைசிவரை ஆட்டமிழக்காமல் இருந்தார். அதேபோல் ஃபோப் லிட்ச்ஃபீல்ட் 21 ரன்களில் ஆட்டமிழக்க மற்ற வீராங்கனைகள் சொற்ப ரன்களில் ஆட்டமிழந்தனர்.
இதனால் குஜராத் அணி 20 ஓவர்கள் முடிவில் 9 விக்கெட்கள் இழப்பிற்கு 126 ரன்களை எடுத்தது. டெல்லி அணியில் அதிகபட்சமாக மரிசான் கேப், ஷிகா பாண்டே மற்றும் மின்னு மணி ஆகியோர் தலா 2 விக்கெட்களை வீழ்த்தினர். ஜெஸ் 1 விக்கெட்டை வீழ்த்தினார்.
இதை தொடர்ந்து 127 ரன்கள் எடுத்தால் வெற்றி என்ற எளிய இலக்குடன் களமிறங்கியது டெல்லி கேபிட்டல்ஸ் அணி. இந்த அணியில் தொடக்க வீராங்கனையாக களமிறங்கிய மெக் லென்னிங் 18 ரன்கள் எடுத்த இந்நிலையில் ரன் அவுட் ஆனார்.
பின்னர் களமிறங்கிய கேப்ஸி டக் அவுட் ஆனார். இந்நிலையில் மற்றொரு தொடக்க வீராங்கனையான ஷாபாலி வர்மா அதிரடியாக விளையாடி ரன்களை குவித்தார்.
அதேபோல் அவருடன் ஜெமிமா கூட்டணி சேர்ந்து குஜராத் பந்தை அடித்து நொறுக்கினர். பின்னர் ஷாபாலி வர்மா 13வது ஓவரில் 7 பௌண்டரீஸ் மற்றும் 5 சிக்சர்கள் என மொத்தமாக 71 ரன்களை எடுத்து ஆட்டமிழந்தார்.
அதேபோல் ஜெமிமா 4 பௌண்டரீஸ் மற்றும் 1 சிக்சர் என 38 ரன்களை எடுத்து ஆட்டமிழக்காமல் இருந்தார். இதனால் டெல்லி அணி 13வது ஓவர் முடிய 3 விக்கெட்கள் இழப்பிற்கு 129 ரன்களை எடுத்து 7 விக்கெட்கள் வித்தியாசத்தில் வெற்றி பெற்றது.
மேலும் இந்த போட்டியில் ஆட்டநாயகி விருதுஷாபாலி வர்மாவுக்கு கொடுக்கப்பட்டது. இந்த வெற்றியின் மூலம் டெல்லி கேபிட்டல்ஸ் அணி முதல் னையாக இறுதிப்போட்டிக்கு முன்னேறியுள்ளது.
மேலும் லீக் சுற்றுகள் முடிவடைந்த நிலையில் அரையிறுதி போட்டி நாளை நடைபெறவுள்ளது. அதில் மும்பை மற்றும் பெங்களூரு அணிகள் விளையாடவுள்ளன. இதில் வெற்றி பெறும் அணி இறுதிப்போட்டியில் டெல்லி அணியுடன் மோதும்.
