அமெரிக்கா போஸ்டன் பல்கலைக்கழகத்தில் பொறியியல் படித்து வந்த இந்திய மாணவர் அபிஜீத், மர்மமான முறையில் உயிரிழந்தது தொடர்பாக விசாரணை நடந்து வருவதாக அமெரிக்காவில் உள்ள இந்திய தூதரகம் தெரிவித்துள்ளது.
ஆந்திரா மாநிலம் குண்டூரைச் சேர்ந்த பருச்சுரி சக்ரதர் – ஸ்ரீலட்சுமி தம்பதியின் ஒரே மகன் அபிஜீத். இவர் தனது தாயாரின் எதிர்ப்பையும் மீறி, தனது மேற்படிப்பிற்காக அமெரிக்கா சென்றுள்ளார். போஸ்டன் பல்கலைக்கழகத்தில் சேர்ந்து, பொறியியல் பாடப்பிரிவில் கல்வி பயின்று வந்த அபிஜீத், தன்னுடைய சக மாணவருடன் சேர்ந்து ஓர் அடுக்குமாடிக் குடியிருப்பில் வாடகைக்கு தங்கி வந்துள்ளார்.
இந்நிலையில், கடந்த சில நாட்களுக்கு முன்பு மர்ம நபர்களால் அபிஜீத் கொலை செய்யப்பட்டுள்ளார். இவருடைய உடல் பல்கலைக்கழக வளாகத்திற்கு அருகில் உள்ள வனப்பகுதியில் கண்டுபிடிக்கப்பட்டது.
இதுகுறித்து அந்நாட்டு போலீசார் தீவிர விசாரணை மேற்கொண்டு வருகின்றனர். பல்கலைக்கழக வளாகத்தில் நடந்த இந்த சம்பவம், அமெரிக்க போலீசாருக்கு, பல்வேறு சந்தேகங்களை எழுப்பியுள்ளது.
மகன் கொல்லப்பட்டதை அறிந்த அபிஜீத்தின் பெற்றோர் அதிர்ச்சியில் உறைந்தனர். அமெரிக்காவில் அனைத்து சட்ட நடைமுறைகளுக்கு பின்னர் மாணவரின் உடல் சொந்த ஊரான குண்டூர் மாவட்டத்திற்கு கொண்டு வரப்பட்டு இறுதி சடங்குகள் செய்யப்பட்டன.
மாணவர் அபிஜீத்தின் மறைவு குறித்தும், இந்த வழக்கின் விசாரணை குறித்தும், நியூயார்க்கில் உள்ள இந்திய தூதரகம் தனது எக்ஸ் பதிவில், “அபிஜீத் என்ற இந்திய மாணவர் துரதிர்ஷ்டவசமான வகையில், மரணம் அடைந்துள்ளார் என்பது அறிந்து ஆழ்ந்த வருத்தம் தெரிவிக்கின்றோம். மாணவர் அபிஜீத்தின் பெற்றோர் விசாரணை அதிகாரிகளுடன் நேரடித் தொடர்பில் இருந்து வருகின்றனர்.
முதற்கட்ட விசாரணையில் மாணவரின் மரணத்தில் குற்றச்செயல்கள் நடந்திருக்க வாய்ப்பில்லை. எனினும் விசாரணையின் முடிவில், உண்மையில் நடந்தது என்ன என்பது குறித்த முழு விவரமும் தெரியவரும்” என தெரிவிக்கப்பட்டுள்ளது.
Deeply saddened to learn about the unfortunate demise of Mr. Abhijeeth Paruchuru, an Indian student in Boston.
Mr. Puruchuru’s parents, based in Connecticut 🇺🇸, are in direct touch with detectives. Initial investigations rule out foul play. @IndiainNewYork rendered…
— India in New York (@IndiainNewYork) March 18, 2024
