ராமோஜி குழும தலைவர் ராமோஜி ராவ் இன்று காலை காலமானார். அவருக்கு வயது 87.
வயது மூப்பின் காரணமாக நோய்வாய்பட்டிருந்த அவர் ஹைதராபாத்தில் உள்ள ஸ்டார் மருத்துவமனையில் அனுமதிக்கப்பட்டிருந்தார். இந்நிலையில் சிகிச்சை பலனின்றி இன்று அதிகாலை 3.45 மணிக்கு காலமானார்.
இதனையடுத்து அவரது உடல் ஹைதராபாத்தில் உள்ள ராமோஜி பிலிம் சிட்டியில் வைக்கப்பட்டுள்ளது. அவரது உடலுக்கு ஏராளமானோர் அஞ்சலி செலுத்தி வருகின்றனர்.
கடந்த 1936ஆம் ஆண்டு ஆந்திர மாநிலம் கிருஷ்ணா மாவட்டத்தில் பெடபருபுடி என்ற கிராமத்தில் பிறந்த அவர். ராமோஜி குழுமத்தை நிறுவினார்.
ராமோஜி பிலிம்சிட்டி, ஈடிவி நெட்வொர்க், ஈநாடு நாளிதழ், மார்கதர்சி சிட் ஃபண்ட், டால்பின் குரூப் ஆஃப் ஹோட்டல் என பல்வேறு நிறுவனங்களை தொடங்கி திறம்பட அவர் செயல்படுத்தி வந்தார்.
பத்திரிக்கை, இலக்கிய மற்றும் கல்வி உள்ளிட்ட துறைகளில் அவரின் சிறந்த பணிகளுக்காக கடந்த 2016ஆம் ஆண்டு பத்ம விபூஷன் விருது வழங்கி மத்திய அரசு கௌரவித்தது.
