வேலூர் மாவட்டம், கே.வி.குப்பம் அருகே சுவற்றில் துளையிட்டு அடகுக் கடையில் திருட முயன்றவர்களை போலீசார் தேடி வருகின்றனர்.
P.K.புரம் பேருந்து நிலையத்தில் சர்வன் சிங் என்பவர் அடகு கடை நடத்தி வருகிறார். இவர் வழக்கம் போல் இரவில் கடையை மூடிவிட்டு வீட்டிற்கு சென்றுள்ளார்.
இதனை நோட்டமிட்ட அடையாளம் தெரியாத நபர்கள், பக்கத்துக் கடையின் சுவற்றை துளையிட்டு அடகு கடையில் திருட முயன்றுள்ளனர்.
அப்போது லாக்கரை உடைக்க முடியாமல் ஏமாற்றமடைந்த மர்ம நபர்கள் அங்கிருந்து திரும்பிச் சென்றுள்ளனர். இதுகுறித்து கே.வி.குப்பம் போலீசார் வழக்குப்பதிந்து விசாரித்து வருகின்றனர்.
