கடலூர் மாவட்டம் விருத்தாச்சலத்தில் உள்ள BSNL அலுவலகத்தில் தொழில்நுட்ப கருவிகள் தீப்பிடித்து எரிந்ததால் சேவை துண்டிக்கப்பட்டது.
விருத்தாச்சலம் ஜங்ஷன் சாலையில் BSNL தொலைப்பேசி நிலையம் அமைந்துள்ளது. இந்நிலையில் அலுவலகத்தில் உள்ள தொழில்நுட்ப கருவிகள் அடங்கிய அறையில் மின்கசிவு காரணமாக தீவிபத்து ஏற்பட்டது.
இதனால் அலுவலகம் முழுவதும் புகை மண்டலமாக காட்சியளித்தது. இதுகுறித்து தகவலறிந்த தீயணைப்புத் துறையினர் சுமார் 1 மணி நேரம் போராடி தீயை கட்டுக்குள் கொண்டு வந்தனர்.
விபத்து காரணமாக BSNL நெட்வொர்க் துண்டிக்கப்பட்டதால் வாடிக்கையாளர்கள் கடும் சிரமத்திற்கு உள்ளாகினர்.
