சேலம் அரசு மருத்துவமனையில் இருந்து பச்சிளம் குழந்தையை கடத்தி சென்ற பெண்ணை போலீசார் கைது செய்தனர்.
நாமக்கல் மாவட்டத்தைச் சேர்ந்த வெண்ணிலா என்பவர், பிரசவத்துக்காக சேலம் அரசு மருத்துவமனையில் சிகிச்சைக்காக அனுமதிக்கப்பட்டார்.
அவருக்கு ஆண் குழந்தை பிறந்தது. இந்நிலையில் வெண்ணிலா சிகிச்சை பெற்று வந்த வார்டுக்கு சென்ற பெண் ஒருவர் குழந்தையை மருத்துவர்களிடம் காண்பித்து வருகிறேன் என கூறி குழந்தையை கடத்தி சென்றார்.
இதுகுறித்து விசாரணை மேற்கொண்ட போலீசார் வினோதினி என்பவரை கைது செய்தனர். அவரிடம் நடத்தப்பட்ட விசாரணையில், குழந்தையை கடத்தியது உறுதியானது.
இதையடுத்து அவரிடம் இருந்து குழந்தையை மீட்டு பெற்றோரிடம் ஒப்படைத்த போலீசார் வினோதினியிடம் தொடர்ந்து விசரணை நடத்தி வருகின்றனர்.
