இலங்கை கடற்படையால் சிறை பிடிக்கப்பட்டுள்ள மீனவர்களையும், அவர்களது படகுகளையும் மீட்க உரிய நடவடிக்கை எடுக்கவேண்டும்” என மத்திய வெளியுறவுத்துறை அமைச்சர் ஜெய்சங்கரிடம் முதலமைச்சர் மு.க.ஸ்டாலின் வலியுறுத்தியுள்ளார்.
இது தொடர்பாக அவர் எழுதியுள்ள கடிதத்தில், “கடந்த 26-ஆம் தேதி கடலுக்கு மீன் பிடிக்கச் சென்ற ராமநாதபுரம் மீனவர்கள் 8 பேர் உள்ளிட்ட 116 மீனவர்கள் மற்றும் 184 படகுகள் இலங்கை அரசின் கட்டுப்பாட்டில் உள்ளன” என்று குறிப்பிட்டுள்ளார்.
“இந்திய மீனவர்கள் தொடர்ந்து கைது செய்யப்படுவதால், அவர்களது வாழ்வாதாரம் பாதிக்கப்பட்டுள்ளது” என தெரிவித்துள்ளார்.
எனவே, “மீனவர்கள் மற்றும் அவர்களது படகுகளை விடுவிக்க இந்திய அரசு தூதரக நடவடிக்கைகளை விரைந்து மேற்கொள்ள வேண்டும்” எனவும் மத்திய வெளியுறவுத்துறை அமைச்சர் ஜெய்சங்கருக்கு எழுதிய கடிதத்தில் முதல்வர் மு.க.ஸ்டாலின் வலியுறுத்தியுள்ளார்.
