புதுக்கோட்டை மாவட்டம், மீமிசலில் வங்கதேச இந்துக்களை பாதுகாக்கக் கோரி, இந்து முன்னணியினர் ஆர்ப்பாட்டத்தில் ஈடுபட்டனர்.
வங்கதேசத்தில் ஏற்பட்ட புரட்சியின் காரணமாக அங்கு சிறுபான்மையினராக வசிக்கும் இந்துக்கள் மீதும், இந்து கோயில்களின் மீதும் தாக்குதல் நடத்தப்பட்டது.
இந்நிலையில் அவர்களை காப்பாற்ற மத்திய அரசு உரிய நடவடிக்கை எடுக்க வேண்டும் என, மீமிசல் பேருந்து நிலையம் அருகே இந்து முன்னணியினர் ஆர்ப்பாட்டத்தில் ஈடுபட்டு கோஷங்களை எழுப்பினர். இதில் புதுக்கோட்டை இந்து முன்னணி மாவட்ட செயலாளர் நாகராஜன் உட்பட பலர் கலந்து கொண்டனர்.
