காவிரியில் தண்ணீர் எடுக்க அ.தி.மு.க. பொதுச்செயலாளரும், எதிர்கட்சித் தலைவருமான எடப்பாடி பழனிசாமி குடும்பத்திற்கு அனுமதி அளிக்கப்பட்டதற்கு எதிரான வழக்கில், இ.பி.எஸ். உள்ளிட்டோர் பதிலளிக்க சென்னை உயர்நீதிமன்றம் உத்தரவிட்டுள்ளது.
காவிரியில் தண்ணீர் எடுக்க, அதிக குதிரைத் திறன் கொண்ட மின் மோட்டாரைப் பயன்படுத்த, கடந்த 2020ஆம் ஆண்டு அ.தி.மு.க. ஆட்சிக் காலத்தில் அரசாணை வெளியிடப்பட்டது.
இந்த அரசாணையை ரத்து செய்யக்கோரி நெடுங்குளம் நீரேற்று பாசன கூட்டுறவு சங்கத்தினர், சென்னை உயர்நீதிமன்றத்தில் வழக்கு தொடர்ந்தனர். இந்த வழக்கு இன்று விசாரணைக்கு வந்தது.
வழக்கை விசாரித்த உயர்நீதிமன்றம், இதுதொடர்பாக பதிலளிக்க எடப்பாடி பழனிசாமிக்கு நோட்டீஸ் அனுப்ப உத்தரவிட்டது.
எடப்பாடி பழனிசாமி மற்றும் அவரது உறவினர்கள் உட்பட 31 பேர் இந்த வழக்கில் பதிலளிக்க சென்னை உயர்நீதிமன்றம் உத்தரவிட்டுள்ளது.
