கர்நாடகாவில் கபடி போட்டியின்போது பார்வையாளர்கள் மாடம் இடிந்து விழுந்ததில் பலர் படுகாயமடைந்தனர்.
கர்நாடக மாநிலம் மாண்டியா மாவட்டத்தில் உள்ள மல்லநாயக்கன கட்டே பகுதியில் கபடி போட்டி நடைபெற்றது. இந்த போட்டியை காண ஏராளமானோர் கூடியிருந்தனர்.
கபடி போட்டி விறுவிறுப்பாக நடைபெற்று கொண்டிருந்தபோது எதிர்பாராத விதமாக திடீரென பார்வையாளர் மாடம் இடிந்து விழுந்து விபத்துக்குள்ளானது.இதில் பலர் படுகாயமடைந்தனர்.
இதுகுறித்து தகவலறிந்து வந்த போலீசார், படுகாயமடைந்தவர்களை மீட்டு மருத்துவமனைக்கு அனுப்பி வைத்தனர். மேலும், இந்த சம்பவம் குறித்து போலீசார் வழக்குப்பதிவு செய்து விசாரணை நடத்திய நிலையில், பாரம் தாங்காமல் மாடம் இடிந்து விழுந்து விபத்துக்குள்ளானது தெரியவந்தது.
