கள்ளக்குறிச்சியில் விஜயகாந்த் மகன் சண்முகபாண்டியன் நடித்துள்ள படைத்தலைவன் படத்தைக் காணத் திரண்ட தேமுதிகவினர், விஜயகாந்த் சிலை முன் மொட்டையடித்து திரையரங்கிற்குள் சென்றனர்.
தேமுதிக நிறுவனர் விஜயகாந்தின் மகன் சண்முகபாண்டியன் நடிக்துள்ள படைத்தலைவன் திரைப்படம் தமிழகம் முழுவதும் வெளியாகி உள்ளது. கள்ளக்குறிச்சி மாவட்டம் திருக்கோவிலூரில் உள்ள திரையரங்குகளில் படைத்தலைவன் திரைப்படம் வெளியாகி உள்ளது.
இந்த திரையரங்கிற்கு தேமுதிக நிர்வாகிகள் மற்றும் தொண்டர்கள் விஜயகாந்த் மார்பளவு சிமெண்ட் சிலையை பேண்ட் வாத்தியங்கள் முழங்க ஊர்வலமாக எடுத்து வந்து, பொது மக்களுக்கும் அன்னதானம் வழங்கினர்.
மேலும் படைத்தலைவன் படம் வெற்றி பெற வேண்டி, விஜயகாந்த் சிலைக்கு முன் தேமுதிக நிர்வாகிகள் மொட்டை அடித்து பின்னர் படத்தைக் கண்டு ரசித்தனர்.
