அமேசானில் 35 ஆயிரம் ரூபாய் மதிப்புள்ள விவோ செல்போனை ஆர்டர் செய்தவருக்கு சென்ட் பாட்டில் டெலிவரி செய்யப்பட்டது தொடர்பாக, டிஜிபி அலுவலகத்தில் புகார் அளிக்கப்பட்டுள்ளது.
திருவள்ளுவரைச் சேர்ந்த விக்னேஷ் என்பவர் 35 ஆயிரத்து 150 ரூபாய் மதிப்புள்ள விவோ செல்போனை ஆன்லைனில் ஆர்டர் செய்திருந்தார்.
இந்நிலையில் அவருக்கு அமேசான் நிறுவனத்தில் இருந்து சென்ட் பாட்டில் டெலிவரி செய்யப்பட்டுள்ளது. சென்ட் பாட்டில் இருப்பதைப் பார்த்து அதிர்ச்சியடைந்த விக்னேஷ், டெலிவரி ஊழியரிடம் திரும்ப எடுத்துச் செல்லுமாறு கூறியுள்ளார்.
ஆனால் டெலிவரி ஊழியர் எடுத்துச் செல்ல மறுத்துள்ளார். இதனால், அமேசான் நிறுவனம் மற்றும் பொருளை மாற்றித்தர மறுத்த டெலிவரி பாய் ஆகியோர் மீது நடவடிக்கை எடுக்கக்கோரி, சிசிடிவி வீடியோவுடன், டிஜிபி அலுவலகத்தில் விக்னேஷ் புகார் அளித்துள்ளார்.
