ராம் பொதினேனியின் ”ஆந்திரா கிங் தாலுகா” படத்தின் முதல் பாடலுக்கான அப்டேட் வெளியாகி உள்ளது.
அதன்படி, ஜூலை 18-ஆம் தேதி அந்த பாடல் வெளியாக இருக்கிறது. இதனை, ராம் பொதினேனி இடம்பெறும் புதிய போஸ்டரை வெளியிட்டு தயாரிப்பாளர்கள் அறிவித்துள்ளனர்.
இந்தப் பாடலுக்கான வரிகளை ராம் பொதினேனி எழுத, அனிருத் பாடியுள்ளதாகத் தகவல் வெளியாகி இருந்த நிலையில், அதைப் பற்றிய எதையும் தயாரிப்பாளர்கள் இதில் தெரிவிக்கவில்லை.
மகேஷ் பாபு இயக்கியுள்ள இப்படத்தில் பாக்யஸ்ரீ போர்ஸ் கதாநாயகியாக நடித்திருக்கிறார். மைத்ரி மூவி மேக்கர்ஸ் தயாரிக்கும் இப்படத்தின் ரிலீஸ் தேதி இன்னும் அறிவிக்கப்படவில்லை.
