செங்கல்பட்டு : திருட முயன்ற நபரை கட்டி வைத்து தாக்கி போலீசில் ஒப்படைத்த மக்கள்!

செங்கல்பட்டு மாவட்டம் அச்சிறுப்பாக்கம் அருகே வீட்டின் பூட்டை உடைத்து திருட முயன்ற நபரை மக்கள் கட்டி வைத்து அடித்து போலீசாரிடம் ஒப்படைத்தனர்.

பள்ளிப்பேட்டை கிராமத்தில் உள்ள வீட்டின் பூட்டை உடைத்து 3 பேர் திருட முயன்றுள்ளனர். அப்போது அருகில் வசிப்பவர்கள் பார்த்ததால் 3 பேரும் தப்பி ஓட முயன்றுள்ளனர்.

இதில் ஒருவனை பிடித்த மக்கள் கட்டி வைத்து தாக்கி போலீசாரிடம் ஒப்படைத்தனர். இது குறித்து வழக்கு பதிவு செய்த போலீசார் தப்பியோடிய இருவரை தேடி வருகின்றனர்.