டெஸ்ட் போட்டியில் முதல் முறையாகச் சுப்மன் கில் டாஸ் வென்றதை சக வீரர்கள் கிண்டலடித்தது தொடர்பான வீடியோ இணையத்தில் வைரலாகி வருகிறது.
இந்தியாவில் சுற்றுப்பயணம் மேற்கொண்டுள்ள வெஸ்ட் இண்டீஸ் அணி 2 போட்டிகள் கொண்ட டெஸ்ட் தொடரில் விளையாடி வருகிறது.
இதன் முதல் டெஸ்டில் இந்தியா வெற்றி பெற்ற நிலையில், 2-வது டெஸ்ட் போட்டி டெல்லியில் வெள்ளிக்கிழமை தொடங்கியது.
இந்தப் போட்டியில் இந்திய அணி டாஸ் வென்று பேட்டிங்கை தேர்வு செய்தது. முன்னதாகச் சுப்மன் கில் டெஸ்ட் கேப்டனாக நியமிக்கப்பட்டதில் இருந்து 7 டெஸ்ட் போட்டிகளில் விளையாடி உள்ளார்.
இதில் 6 போட்டிகளில் டாஸை இழந்துள்ளார். இந்த டெஸ்ட் போட்டியில் தான் முதல் முறையாக டாஸை வென்றுள்ளார்.
சுப்மன் கில் டாஸ் வென்றதை பின்னே இருந்த பார்த்த இந்திய அணியின் பயிற்சியாளர் கம்பீர், வேகப்பந்து வீச்சாளர் பும்ரா உள்ளிட்டோர் ஒருவழியா டாஸில் வெற்றி பெற்று விட்டார் என்பது போலச் சிரித்து கொண்டனர்.
அப்போது நீ எப்படியும் டாஸில் தோல்வியடைந்து விடுவாய் என பும்ரா பவுலிங் போடுவதற்கு ரன் அப்புக்கு ஏற்பாடு செய்யக் கிளம்பினார் எனச் சிரித்துக்கொண்டே கில்லிடம் கம்பீர் கூறினார். இது தொடர்பான வீடியோ தற்போது வைரலாகி வருகிறது.
