ஜப்பானில் நடைபெற்ற ஆசிய விளையாட்டுப் போட்டியில் 21 தங்கம் உட்பட 85 பதக்கங்களை கைப்பற்றி இந்தியா அசத்தியுள்ளது.
20-வது ஆசிய விளையாட்டு போட்டிகள் ஜப்பானின் அய்ச்சி மாகாணத்தில் உள்ள நகோயா நகரில் கடந்த மாதம் 19ம் தேதி கோலாகலமாக தொடங்கியது.
இதில் ஆசிய கண்டத்தின் 45 நாடுகளை சேர்ந்த சுமார் 11 ஆயிரம் வீரர், வீராங்கனைகள் பங்கேற்று தங்கள் திறமையை வெளிப்படுத்தினர்.
பெரும் எதிர்பார்ப்புகளுக்கு மத்தியில் நடைபெற்ற போட்டிகளில் இந்தியா 21 தங்கம், 27 வெள்ளி, 37 வெண்கலம் என மொத்தமாக 85 பதக்கங்களை கைப்பற்றி புள்ளிப் பட்டியலில் 4வது இடம் பிடித்துள்ளது.
341 பதக்கங்களுடன் சீனா முதலிடத்தையும், 269 பதக்கங்களுடன் ஜப்பான் இரண்டாவது இடத்தையும், 150 பதக்கங்களுடன் தென்கொரியா 3-வது இடத்தையும் பிடித்துள்ளன.
இந்நிலையில், மிகப்பெரிய விளையாட்டுத் திருவிழாவாக நடைபெற்ற ஆசிய விளையாட்டுப் போட்டிகள் தற்போது நிறைவு பெற்றுள்ளன. 3 பதக்கம் வென்ற துப்பாக்கி சுடுதல் வீராங்கனை நீரு தண்டா இந்திய அணிக்கு தலைமை தாங்கி தேசிய கொடியை ஏந்தி கம்பீரமாக சென்றார்.
மேலும், ஆசிய விளையாட்டுப் போட்டியின் நிறைவு விழாவில் பார்வையாளர்களை கவரும் வகையில் பல்வேறு கண்கவர் நிகழ்ச்சிகளும் நடத்தப்பட்டன….
