அமெரிக்க அதிபர் டிரம்ப் மீது அந்நாட்டு மக்கள் பெரும்பான்மையானோர் கடும் அதிருப்தியில் இருப்பது ஊடகங்களின் கருத்துக்கணிப்பு மூலம் தெரியவந்துள்ளது.
அமெரிக்க அதிபர் டிரம்ப் மற்றும் அவரது அரசு குறித்து அந்நாட்டு மக்களிடம் அண்மையில் கருத்துக்கணிப்பு நடத்தப்பட்டது. அமெரிக்கவைச் சேர்ந்த ஏபிசி நியூஸ் மற்றும் வாஷிங்டன் போஸ்ட் இணைந்து இந்த கருத்துக் கணிப்பை நடத்தின. இதன்படி 65% அமெரிக்கர்கள் டிரம்ப் பணவீக்கத்தை கையாள்வதில் தோல்வியடைந்துள்ளதாக கருதுகின்றனர். டிரம்பின் வரி விதிப்புக் கொள்கைகளுக்கு 64% மக்கள் எதிர்ப்பு தெரிவித்துள்ளனர்.
டிரம்பின் சர்வதேச உறவுகள் மற்றும் வெளியுறவுக் கொள்கைகளை 62% மக்கள் அங்கீகரிக்கவில்லை. குடியேற்றக் கொள்கைகளுக்காக ராணுவத்தைப் பயன்படுத்தும் அவரது திட்டத்திற்கு 54% மக்கள் எதிர்ப்பு தெரிவித்துள்ளனர். Yahoo மற்றும் YouGov நடத்திய மற்றொரு சமீபத்திய ஆய்வில், அமெரிக்க வரலாற்றிலேயே மிக மோசமான அதிபராக டிரம்ப்-ஐ 40% அமெரிக்கர்கள் தேர்வு செய்துள்ளனர். டிரம்ப்பின் ஒட்டுமொத்த அங்கீகார விகிதம் 39% ஆகக் குறைந்துள்ளது. வெறும் 12% பேர் மட்டுமே அவரை ஒரு சிறந்த அதிபர் என்று கருதுகின்றனர்.
