காரைக்குடி பிரசாரத்திற்காக விஜய் சென்றபோது அவரை பின்தொடர்ந்து இருசக்கர வாகனத்தில் வந்த தொண்டர்கள் நிலைதடுமாறி கீழே விழுந்தனர்.
காரைக்குடியில் பிரசாரம் மேற்கொள்வதற்காக சென்னையில் இருந்து மதுரை விமானம் நிலையம் சென்ற விஜய் அங்கிருந்து காரைக்குடிக்கு சாலை மார்க்கமாக புறப்பட்டார். மதுரை திருமங்கலம் அடுத்த சிந்தாமணி பகுதியில் விஜய் சென்ற வாகனத்தை இருசக்கரத்தில் பின்தொடர்ந்து சென்ற இளைஞர்கள் இருவர் சாலையில் நிலை தடுமாறி கீழே விழுந்தனர்.
இருசக்கர வாகனங்கள் ஒன்றுடன் ஒன்று மோதி கீழே விழுந்ததில் தவெக தொண்டர்கள் படுகாயமடைந்தனர். ஏற்கனவே திருச்சி மற்றும் நெல்லையில் விஜய் வாகனத்தை பின் தொடர்ந்த தொண்டர்கள் விபத்தில் சிக்கினர். தவெக தலைவர் விஜய் செல்லும் இடமெல்லாம் தொண்டர்கள் விபத்துகளில் சிக்குவது தொடர் கதையாகி வருவது குறிப்பிடத்தக்கது.
