வரும் 13ம் தேதி பாஜகவினருடன் பிரதமர் மோடி ஆன்லைன் மூலம் உரையாட உள்ள நிலையில் அதற்கான முன்பதிவுகளை நமோ செயலி மூலம் தொண்டர்கள் செய்துகொள்ளுமாறு அறிவுறுத்தப்பட்டுள்ளது.
சட்டமன்ற தேர்தல் பணியில் ஈடுபட்டுள்ள தமிழக பாஜக தொண்டர்கள் மற்றும் பூத் கமிட்டி உறுப்பினர்களுடன் பிரதமர் மோடி வரும் 13ம் தேதி ஆன்லைன் வாயிலாக சந்தித்து உரையாற்றுகிறார். எனது பூத் வலிமையான பூத் என்ற தலைப்பிலான இந்த நிகழ்ச்சி நமோ செயலி மூலம் நடைபெற உள்ளது.
காலை 11 மணிக்கு தொண்டர்களை சந்திக்கும் இந்த நிகழ்வில் பங்கேற்க தொண்டர்கள் பலரும் ஆர்வமுடன் காத்திருக்கின்றனர்.
இந்த நிலையில் தொண்டர்கள் மற்றும் பூத் கமிட்டி உறுப்பினர்கள் நமோ செயலி மூலம் முன்பதிவு செய்துகொள்ளுமாறு பாஜக அறிவுறுத்தியுள்ளது.
