இந்தியாவையும், அதன் தலைமையையும் எலான் மஸ்க் மதிக்க வேண்டும் என பாஜக தேசிய துணைத் தலைவர் ராம் மாதவ் தெரிவித்துள்ளார்.
எலான் மஸ்க் மற்றும் மக்களவை எதிர்க்கட்சித் தலைவர் ராகுல் காந்தி இடையே எக்ஸ் தளத்தில் நடந்த கருத்து பரிமாற்றம் குறித்து ராம் மாதவ் பதிலளித்துள்ளார்.
எலான் மஸ்க் எதிர்கொள்வது ஒரு பலவீனமான நாட்டை அல்ல, உலகளவில் மதிக்கப்படும் தலைமையை கொண்ட மிகப்பெரிய நாட்டை என்பதை நினைவில் கொள்ள வேண்டும் என்று கூறியுள்ளார்.
இந்தியாவில் அலைக்கற்றை ஒதுக்கீடு செய்வதற்கு முறையான, பாரபட்சமற்ற நடைமுறைகள் உள்ளதாக குறிப்பிட்டுள்ள ராம் மாதவ்,
ஸ்டார்லிங்க் போலவே ஜியோ, ஏர்டெல் காத்திருப்பதாகவும், உரிய நேரத்தில் இந்திய அரசு வெளிப்படையாக, பாரபட்சமின்றி முடிவெடுக்கும் என்றும் கூறியுள்ளார்.
அமெரிக்க தலைமைக்கும் எலான் மஸ்க்குக்கும் இந்தியா அடிபணிவதாக முன்பு ராகுல்காந்தி குற்றம்சாட்டி வந்தாக குறிப்பிட்டுள்ள ராம் மாதவ், தற்போது எலான் மஸ்க்கின் கோரிக்கைக்கு ஆதரவாக ராகுல்காந்தி பேசுவது ஏன் என கேள்வி எழுப்பியுள்ளார்.
ஒரே இரவில் என்ன மாற்றம் ஏற்பட்டது என்பதை ராகுல் காந்தி நாட்டு மக்களுக்கு விளக்க வேண்டும் என்றும் வலியுறுத்தியுள்ளார்.
