தமிழகத்தின் முழுநேர ஆளுநராக ராஜேந்திர விஸ்வநாத் அர்லேகர் இன்று பொறுப்பேற்றுக்கொண்டார்.
தமிழக ஆளுநராக இருந்த ஆா்.என்.ரவி மேற்குவங்க ஆளுநராக கடந்த மாா்ச் மாதம் நியமிக்கப்பட்டாா். இதையடுத்து கேரள ஆளுநராக இருந்த ராஜேந்திர விஸ்வநாத் அலேகருக்கு தமிழகத்தின் ஆளுநராகக் கூடுதல் பொறுப்பு அளிக்கப்பட்டது.
இந்நிலையில், அவரை தமிழகத்தின் முழுநேர ஆளுநராக குடியரசுத் தலைவா் திரௌபதி முா்மு நியமித்து உத்தரவிட்டுள்ளார். தொடர்ந்து சென்னை கிண்டியில் உள்ள மக்கள் மாளிகையில் தமிழகத்தின் முழுநேர ஆளுநராக அர்லேகர் முறைப்படி பொறுப்பேற்றுக் கொண்டார்.
இந்நிகழ்வின்போது, ஆளுநரின் செயலாளர் சஜ்ஜன்சிங் ஆர்.சவான் உள்ளிட்டோர் உடனிருந்தனர். அவருக்கு காவல்துறை சிறப்பு அணிவகுப்பு மரியாதையும் அளிக்கப்பட்டது.
