சென்னை அயப்பாக்கத்தில் டாஸ்மாக் விற்பனையாளர் தாக்கப்பட்டதை தொடர்ந்து, தமிழகத்தின் பல்வேறு பகுதிகளில் இரவு 8 மணிக்கே டாஸ்மாக் கடைகள் அடைக்கப்பட்டன.
அயப்பாக்கம் டாஸ்மாக் கடையில் யுபிஐ பணப்பரிவர்த்தனை தொடர்பான வாக்குவாதத்தில், விற்பனையாளர் பழனி என்பவரை சிலர் தாக்கியதாகக் கூறப்படுகிறது. இதையடுத்து ஊழியர்களின் பாதுகாப்பு கருதி பல்வேறு பகுதிகளில் டாஸ்மாக் கடைகள் முன்கூட்டியே அடைக்கப்பட்டன.
இதற்கிடையே, காலி மதுபாட்டில்களை திரும்பப் பெறும் திட்டத்தில் ஸ்கேன் கருவிகள் சரியாகச் செயல்படாததால், வாடிக்கையாளர்களுடன் தொடர்ந்து மோதல் ஏற்படுவதாக ஊழியர்கள் குற்றம்சாட்டியுள்ளனர். பிரச்சனைக்குத் தீர்வு காணவும், கடைகளுக்குப் போலீஸ் பாதுகாப்பு வழங்கவும் கோரிக்கை விடுத்துள்ளனர்.
