தனியார் பள்ளிகளிடம் லஞ்சம் பெற்றதாக கைது செய்யப்பட்டுள்ள திமுக முன்னாள் அமைச்சர் அன்பில் மகேஷின் ஜாமின் மனுவை தள்ளுபடி செய்து ஊழல் தடுப்பு சிறப்பு நீதிமன்றம் உத்தரவிட்டுள்ளது.
கடந்த ஆட்சியில் தனியார் பள்ளிகளுக்கு அங்கீகாரம் பெற்றுத் தருவதாகக் கூறி 400 கோடி ரூபாய் வரை மோசடி செய்யப்பட்டதாக வழக்குப் பதிவு செய்யப்பட்டது
இந்த வழக்கில் தொடர்புடையதாக கூறி திமுக முன்னாள் அமைச்சர் அன்பில் மகேஷை சென்னை மத்திய குற்றப்பிரிவு காவல்துறை கைது செய்தது
16 நாட்களாக புழல் சிறையில் அடைக்கப்பட்டுள்ள அன்பில் மகேஷ், தனக்கு ஜாமீன் வழங்க கோரி சென்னை ஊழல் தடுப்பு சிறப்பு நீதிமன்றத்தில் மனு தாக்கல் செய்திருந்தார்.
இந்த மனு நீதிபதி எல்.எஸ்.சத்தியமூர்த்தி முன்பு விசாரணைக்கு வந்தது. அப்போது ஆஜரான மனுதாரர் தரப்பு இது அரசியல் ரீதியாக தொடரப்பட்ட வழக்கு என்ற வாதத்தை முன்வைத்தது.
இதற்கு பதிலளித்த காவல்துறை தரப்பு, தனியார் நிறுவனங்கள் மூலம் பள்ளிகளிடம் இருந்த பணத்தை பெற்று கட்சி நிதி என்ற பெயரில் அன்பில் மகேஷுக்கு வழங்கப்பட்டதாக தெரிவித்தது.
இருதரப்பு வாதங்களையும் கேட்ட நீதிபதி அன்பில் மகேஷ் லஞ்சம் பெற்றதற்கான முகாந்திரம் உள்ளதாக கூறி அவரது ஜாமின் மனுவை தள்ளுபடி செய்தது.
