*தமிழ், தெலுங்கு, மலையாளம், கன்னடம் மற்றும் இந்தியில் என ஒரே சமயத்தில் பான் இந்தியா திரைப்படமாக hi நான்னா உருவாகிறது*
வைரா என்டர்டெயின்மென்ட்ஸ் பேனரில் மோகன் செருக்கூரி (சிவிஎம்) மற்றும் டாக்டர் விஜேந்தர் ரெட்டி தீகலா தயாரிப்பில் ஷௌர்யுவ் இயக்கத்தில் நேச்சுரல் ஸ்டார் நானி, மிருணால் தாக்கூர் நடிக்கும் புதிய திரைப்படத்திற்கு ‘hi நான்னா’ என்று பெயரிடப்பட்டுள்ளது.
நானியின் 30வது படம் தான் . ‘hi நான்னா’ என்றப் படம்.
#Nani30 என்று அழைக்கப்படும் இப்படத்தின் முதல் பார்வை சமீபத்தில் வெளியிடப்பட்டது. வித்தியாசமான கதைக்களம் உள்ள திரைப்படங்களைத் தேர்ந்தெடுத்து நடிக்கும் நானி இந்தப் படத்திலும் அப்படித்தான் ஒரு வித்தியாசமான கதையைத் தேர்ந்தெடுத்திருப்பார் என திரை இரசிகர்கள் சொல்கிறார்கள்.
தந்தை-மகள் உறவை மையமாகக் கொண்ட நேர்மறையான குடும்பத் திரைப்படமாக இப்படம் இருக்கும் என்று படக்குழுவினர் கூறியுள்ளனர் . இந்தத் திரைப்படத்தின் மூலம் இயக்குநராக அறிமுகமாகும் ஷௌர்யுவ் அனைத்து தரப்பு ரசிகர்களையும் திருப்திப்படுத்தும் வகையில் படத்தை இயக்கியிருக்கிறேன் என்று கூறியுள்ளார் .
இப்படத்தின் முதல் பார்வை விளம்பரத்தில் நானியின் தோள்களில் அமர்ந்திருக்கும் குழந்தை அவர்களுக்குப் பின்னால் நிற்கும் மிருணாலுக்கு பறக்கும் முத்தம் ஒன்றை கொடுக்கிறது. பார்ப்போரைக் கவரும் வண்ணம் இந்தத் முதல் பார்வை அமைந்துள்ளது.
ஹேஷாம் அப்துல் வஹாப் இசையில், சானு ஜான் வர்கீஸ் ஒளிப்பதிவில் ‘hi நான்னா’ அப்பா-மகள் பாசத்தைச் சொல்ல மொழி ஒரு தடையல்ல என்பதால் அனைத்து மொழி ரசிகர்களையும் இப்படம் எளிதாக சென்றடையும் என்று எதிர்பார்க்கப் படுகிறது. . ‘Hi நான்னா’ இந்த ஆண்டு டிசம்பர் 21 அன்று திரையரங்குகளில் வெளியாகும்.
