ஒரு அணியில் ஐந்து வீரர்கள் களம் காணும் முதலாவது உலகக் கோப்பை ஹாக்கி போட்டி ஓமன் தலைநகர் மஸ்கட்டில் அடுத்த ஆண்டு ஜனவரி மாதம் நடக்கயிருக்கிறது.
இந்த தொடருக்கு போட்டியை நடத்தும் ஓமன் அணி நேரடியாக தகுதி பெறும் மற்றும் 5 மண்டலங்களில் நடைபெறும் தகுதி சுற்று போட்டியில் முதல் 3 இடங்களை பிடிக்கும் அணிகள் தகுதி அடையும். உலகக் கோப்பை போட்டிக்கான ஆசிய மண்டல பெண்கள் 5 பேர் ஹாக்கி தகுதி சுற்று போட்டி ஓமன் நாட்டின் சலாலா நகரில் நேற்று தொடங்கியது.
10 அணிகள் பங்கேற்றுள்ள இந்த போட்டி தொடரில் இந்திய அணி தனது தொடக்க லீக் ஆட்டத்தில் 7-2 என்ற கோல் கணக்கில் மலேசியாவை வீழ்த்தி போட்டியை வெற்றியுடன் தொடங்கியது. முதல் பாதி முடிவதற்கு 4 நிமிடங்கள் இருந்த நிலையில் மலேசிய அணி ஆட்டத்தை சமன் செய்தது. இருப்பினும் முதல் பாதி முடிவதற்குள் மோனிகா ஒரு கோல் அடித்தார். அதனால் முதல் பாதி முடியும் போது இந்தியா அணி 3-2 என்ற கணக்கில் மலேசியாவை வீழ்த்தியது.
இரண்டாவது பாதியில் ஆட்ட தொடங்கத்திலயே மரியனா குஜூர் மூலம் இந்தியா தனது நான்காவது கோலை எடுத்தது. ஆட்டத்தின் 20 வது நிமிடத்தில் மோனிகா மீண்டும் ஒரு கோல் அடித்ததால் 5-2 என்ற கணக்கில் இந்தியா முன்னிலையில் இருந்தது. ஆட்டத்தின் 28 வது நிமிடத்தில் இந்திய அணிக்கு அடுத்தடுத்து கோல் விழுந்ததால் ஆட்ட இறுதியில் இந்தியா அணி 7-2 என்ற கணக்கில் மலேசியா அணியை வீழ்த்தியது.
இந்திய அணியில் கேப்டன் நவ்ஜோத் கவுர் மற்றும் மோனிகா ஆகியோர் தலா 2 கோலும், அக்ஷதா தேகலே, மரியனா குஜூர், மஹிமா சவுத்ரி ஆகியோர் தலா ஒரு கோலும் அடித்தனர். மலேசியா அணியில் வான் வான் மற்றும் அஜிஸ் ஜப்ரியா ஆகியோர் தலா ஒரு கோல் அடித்தனர்.
இந்திய அணி தனது அடுத்த ஆட்டத்தில் இன்று ஜப்பானுடன் மோதுகிறது.
