இடது கை ஆட்டக்காரர் இஷான் கிஷன் எவ்வளவுதான் சொதப்பினாலும் தொடர்ந்து ரோஹித் வாய்ப்பு கொடுத்து வருகிறார் என கௌதம் கம்பீர் தெரிவித்துள்ளார்.
2013ஆம் ஆண்டில், மகேந்திரசிங் தோனி சாம்பியன்ஸ் டிராபியை வென்றுகொடுத்தப் பிறகு இந்திய அணி ஒரு ஐசிசி கோப்பையை கூட இன்னும் வெல்லவில்லை. 2014ஆம் ஆண்டில் இந்திய அணி டி20 உலகக் கோப்பை தொடரில் இறுதிப்போட்டி வரை சென்றுக் கோப்பையை வெல்ல முடியவில்லை. அதன்பிறகு உலகக் கோப்பை தொடர்களில் இந்திய அணி அரையிறுதிவரை தான் சென்றது.
ரோஹித் ஷர்மா எப்போதுமே இடது, வலது சேர்க்கையை விரும்ப கூடியவர். இதனால்தான், இடது கை பேட்டர்கள் யாஷஸ்வி ஜெய்ஷ்வால், திலக் வர்மா இருவரையும் ரோஹித் உடனே அணிக்குள் கொண்டு வந்தார். இவர்களை எப்போதாவது பந்துவீச வைத்து, எப்போதும் வாய்ப்பு கொடுக்கவும் முடிவு செய்திருக்கிறார். மேலும், இடது கை ஆட்டக்காரர் இஷான் கிஷன் எவ்வளவுதான் சொதப்பினாலும் தொடர்ந்து வாய்ப்பு கொடுத்து வருகிறார். இதற்குதான், கௌதம் கம்பீர் கடும் அதிருப்தியை வெளிப்படுத்தியுள்ளார்.
இதுகுறித்து பேட்டிகொடுத்துள்ள கௌதம் கம்பீர், ”இடது மற்றும் வலது கை சேர்க்கை என்பது சிறந்த திட்டம் கிடையாது. திறமை மீது நம்பிக்கை வைத்தால் போதும். திறமையான ஆட்டக்காரராக இருந்தால், அவர் இடது கை ஆட்டக்காரராக இருந்தால் என்ன? வலது கை ஆட்டக்காரராக இருந்தால் என்ன? அப்படிப்பட்ட திறமையான வீரர்களைத் தான் கண்டுபிடிக்க வேண்டும்” எனக் கூறினார்.
இந்திய அணியில் இருக்க கூடிய முதல் 6 ஆட்டக்காரர்களும் வலது கை ஆட்டக்காரர்கள் தான் இருக்கிறார்கள். ரோஹித், ஷுப்மன் கில், விராட் கோலி, சூர்யகுமார் யாதவ், ஷ்ரேயஸ் ஐயர், கே.எல்.ராகுல், ஹார்திக் பாண்டியா என 6 பேரும் வலது கை ஆட்டக்காரராக இருக்கிறார்கள். இதனால்தான், ஆசியக் கோப்பை அணியில், இடது கை பேட்டர் திலக் வர்மாவுக்கு அணியில் இடம் கிடைத்துள்ளது என கிரிக்கெட் விமர்சகர்கள் கருதுகிறார்கள்.
