ஒரு நாள் கிரிக்கெட் உலகக் கோப்பைத் தொடரின் 7 வது போட்டி தர்மஷாலாவில் உள்ள இமாச்சல பிரதேச கிரிக்கெட் சங்க மைதானத்தில் வங்காளதேசம் மற்றும் இங்கிலாந்து போட்டி நடைபெற்று வருகிறது.
இதில் டாஸ் வென்ற வங்காளதேசம் அணி பந்துவீச்சை தேர்வு செய்துள்ளது. இதன் படி இங்கிலாந்து அணி பேட்டிங் செய்து வருகிறது. இங்கிலாந்து அணியின் தொடக்க வீரர்களாக ஜானி பேர்ஸ்டோவ் மற்றும் டேவிட் மாலன் களமிறங்கியுள்ளனர்.
இதில் ஜானி பேர்ஸ்டோவ் 59 பந்துகளில் 53 ரன்களும் , டேவிட் மாலன் 107 பந்துகளில் 140 ரன்களும் எடுத்து ஆட்டமிழந்தனர். ஜோ ரூட் 68 பந்துகளில் 82 ரன்களை எடுத்து இஸ்லாம் பந்தில் ஆட்டமிழந்தார். அடுத்து களமிறங்கியவர்கள் சொற்ப ரன்களில் ஆட்டமிழக்க 50 ஓவர்கள் முடிவில் இங்கிலாந்து அணி 9 விக்கெட்கள் இழப்பிற்கு 364 ரன்களை எடுத்துள்ளது.
வங்காளதேசத்தில் அதிகபட்சமாக மஹீடி ஹசன் 4 விக்கெட்களும், இஸ்லாம் 3 விக்கெட்களையும் எடுத்தனர். இதன் மூலம் வங்காளதேசத்திற்கு 365 ரன்கள் வெற்றி இலக்காக உள்ளது.
