மருது பாண்டியர் நினைவு தினம் மற்றும் குருபூஜை விழாவையொட்டி வரும் 23 -ம் தேதி முதல் 31 -ம் தேதி வரை சிவகங்கை மாவட்டத்தில் 144 தடை உத்தரவு பிறப்பிக்கப்பட்டுள்ளது.
மருது பாண்டியர் எனப்படும் மருது சகோதரர்கள் தமிழ்நாட்டில் ஆங்கிலேயருக்கு எதிரான விடுதலைப் போராட்ட முன்னோடிகளுள் குறிப்பிடத்தக்கவர்கள்.
ஆங்கிலேயரைத் தமிழ் மண்ணிலிருந்து விரட்ட 1785 முதல் 1801 வரை ஆயுதம் தாங்கிப் போராடியவர்கள் பெரிய மருது, சின்ன மருது. இதனால், கடும் கோபம் கொண்ட ஆங்கிலக் கிழக்கிந்தியக் கம்பெனி, இவர்கள் இருவரையும் தூக்கிலிட முடிவு செய்தனர். அதன்படி, கடந்த 1801 அக்டோபர் 24 -ம் தேதி வரை திருப்பத்தூரில் இவர்கள் இருவரும் தூக்கிலிடப்பட்டனர். இவர்களது நினைவாலயம் களையார் கோயிலில் அமைந்துள்ளது.
இந்த நிலையில், சிவகங்கை மாவட்ட முழுவதும் வரும் 23 -ம் தேதி முதல் 31 -ம் தேதி வரை 144 தடை உத்தரவு பிறப்பிக்கப்பட்டுள்ளது.
அக்டோபர் 24 -ம் தேதி முதல் 27 -ம் தேதி மருது பாண்டியர் குருபூஜையும், 31 -ம் தேதி பசும்பொன்னில் தேவர் ஜெயந்தி விழாவும் நடைபெறுகிறது.
மாவட்ட எஸ்.பி. அரவிந்தன் பரிந்துரையின் பேரில் மாவட்ட ஆட்சியர் ஆஷா அஜித் 144 தடை உத்தரவு பிறப்பித்துள்ளார்.
