ஜனாதிபதி திரௌபதி முர்மு இரண்டு நாள் பயணமாக, இன்று லடாக்கில் உள்ள லே நகருக்குச் சென்றார்.
ஜனாதிபதி திரௌபதி முர்மு, இரண்டு நாள் பயணமாக லடாக் சென்றுள்ளார். விமான நிலையத்தில் லடாக்கின் லெப்டினன்ட் கவர்னர் டாக்டர் பி.டி.மிஸ்ரா மற்றும் யூனியன் பிரதேச நிர்வாகத்தின் மூத்த அதிகாரிகள் குடியரசுத் தலைவருக்கு உற்சாக வரவேற்பு அளித்தனர்.
குடியரசுத் தலைவரின் பயணத்தின் முதல் நாளில், மாலையில் லேவில் உள்ள சிந்து சமஸ்கிருதி கேந்திராவில் நடைபெறும் யூனியன் பிரதேச நிறுவன தின விழாவில் குடியரசுத் தலைவர் பங்கேற்கிறார்.
இரண்டாவது நாளில், குடியரசுத் தலைவர் திரௌபதி முர்மு, சியாச்சின் பனிப்பாறை முகாமுக்குச் சென்று தியாகிகளின் நினைவிடத்தில் மலர் வளையம் வைத்து அஞ்சலி செலுத்துகிறார். இதைத்தொடர்ந்து, அங்கிருக்கும் இராணுவ வீரர்களுடன் உரையாற்றுகிறார்.
இந்தியக் குடியரசுத் தலைவராகப் பதவியேற்ற பிறகு, குடியரசுத் தலைவர் திரௌபதி முர்மு லடாக்கிற்கு மேற்கொண்ட முதல் அதிகாரப்பூர்வ பயணம் என்பதால், இந்த பயணம் முக்கியத்துவம் வாய்ந்தது. இந்தப் பயணம், லடாக் மக்களுடன் நாட்டின் உறவுகளை வலுப்படுத்துவதிலும், பிராந்தியத்தின் வளர்ச்சி மற்றும் பாதுகாப்பிற்கான இந்தியாவின் உறுதிப்பாட்டை மீண்டும் உறுதிப்படுத்துவதிலும் குறிப்பிடத்தக்க வளர்ச்சியை அடையும்.
