நீலகிரி மாவட்டத்தில் கனமழையின் காரணமாக, கல்லார் முதல் அடர்லி வரை மலைப்பாதையில் மண்சரிவு ஏற்பட்டு, மரங்கள் விழுந்தன. இதனை அடுத்து, தண்டவாள பாதையில் ஏற்பட்ட மண்சரிவை அகற்றும் பணிகள் நடைபெற்று வருவதால், இன்றும், நாளையும் கோவை மேட்டுப்பாளையத்தில் இருந்து ஊட்டி வரை செல்லும் நீலகிரி மலை இரயில் சேவை இரத்து செய்யப்பட்டுள்ளது.
நீலகிரி மாவட்டத்தில் உள்ள இயற்கை சூழலை கண்டு இரசிப்பதற்காக, தமிழகத்தின் பல்வேறு பகுதிகளிலிருந்தும், வெளி மாநிலங்களிலிருந்தும் ஏராளமான சுற்றுலாப் பயணிகள் தினந்தோறும் வருகின்றனர். சுற்றுலாப் பயணிகளுக்காக நீலகிரி மலை இரயில் சேவை மேட்டுப்பாளையத்திலிருந்து உதகை வரை இயக்கப்பட்டு வருகிறது. அவர்கள் மலை இரயிலில் பயணம் செய்து அங்குள்ள, இயற்கை சூழலை இரசிக்க அதிக ஆர்வம் காட்டுகின்றனர்.
இதற்கிடையே, நீலகிரி மாவட்டத்தில் நேற்று கனமழையின் காரணமாக, கல்லார் முதல் அடர்லி வரை மலைப்பாதையில் மண்சரிவு ஏற்பட்டு மரங்கள் விழுந்தன. இதனால், நீலகிரி மலை இரயில் சேவை இரத்து செய்யப்படுவதாக இரயில்வே நிர்வாகம் அறிவித்தது. இதைத் தொடர்ந்து, தண்டவாள பாதையில் ஏற்பட்ட மண்சரிவை அகற்றும் பணிகள் நடைபெற்று வந்தன.
இந்த நிலையில், மழை காரணமாக சீரமைப்பு பணிகள் தாமதமாவதால், மேட்டுப்பாளையம்- உதகை மலை ரெயில் சேவை இன்றும், நாளையும் ரத்து செய்யப்படுவதாக ரெயில்வே நிர்வாகம் அறிவித்துள்ளது.
