தீபாவளி புது படங்கள் !

தீபாவளி என்பது அனைவரும் எதிர்பார்த்து காத்துக்கொண்டிருக்கும் ஒரு நாள் என்றே சொல்லலாம். சிலர் புத்தாடை அணிவதுக்காக காத்துக் கொண்டிருப்பார்கள், சிலர் பட்டாசு வெடிப்பதற்காக காத்துக் கொண்டிருப்பார்கள், மேலும் சிலர் தீபாவளி அன்று வெளிவரும் புது படங்களை காண காத்துக் கொண்டிருப்பார்கள்.

மற்ற நாட்களில் வெளியாகும் புதுப்படங்களுக்கு திரையரங்கின் முன்பு மட்டும் தான் பட்டாசு வெடிப்பார்கள் ஆனால் தீபாவளி அன்று வெளியாகும் புதுப்படங்களுக்கு ஊரெங்கும் பட்டாசு வெடிப்பார்கள்.

அப்படி இந்த வருடம் பட்டாசு வெடித்து கொண்டாடவுள்ள புது படங்கள் என்னனென்ன என்பதை பார்ப்போம் :

1. ஜப்பான் :

ட்ரீம் வாரியர் பிச்சர்ஸ் தயாரிப்பில் “குக்கூ, ஜோக்கர், ஜிப்ஸி” போன்ற படங்களை இயக்கிய, இயக்குனர் ராஜு முருகன் இயக்கத்தில் வெளியாகவுள்ள திரைப்படம் ஜப்பான். இதில் தமிழ் சினிமாவின் பிரபல நடிகரான கார்த்திக், நடிகை அனு இம்மானுவேல் நடித்துள்ளனர். மேலும் இந்த படத்திற்கு பிரபல இசையமைப்பாளர் ஜிவி பிரகாஷ் இசையமைத்துள்ளார்.

2. ஜிகர்தண்டா டபுள் எக்ஸ் :

2014ல் கார்த்திக் சுப்பராஜ் இயக்கத்தில் சித்தார்த், பாசி சிம்ஹா, லட்சுமி மேனன் மற்றும் பலர் நடித்த ‘ஜிகர்தண்டா’ படம் வெளிவந்தது. அந்தப் படம் விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்றது. ஒன்பது வருடங்களுக்குப் பிறகு அப்படத்தின் இரண்டாம் பாகம் போல இப்படத்தை எடுத்திருக்கிறார் இயக்குனர் கார்த்திக் சுப்பராஜ். இந்த படத்தை கார்த்திகேயன் சந்தானம், எஸ். கதிரேசன் ஆகியோர் தயாரித்துள்ளனர்.

இப்படத்தில் பிரபல நடிகர்கள் ராகவா லாரன்ஸ், எஸ்ஜே சூர்யா நடிகை நிமிஷா சஜயன் மற்றும் பலர் நடித்துள்ளனர். இப்படத்திற்கு சந்தோஷ் நாராயணன் இசையமைத்துள்ளார்.

3. ரெய்டு

இயக்குனர் முத்தையா தயாரிப்பில், அறிமுக இயக்குனர் கார்த்தி கார்த்திக் இயக்கத்தில் வெளியாகவுள்ள படம் ரெய்டு. இப்படத்தில் போலீஸ் கதாபாத்திரத்தில் விக்ரம் பிரபு நடித்திருக்கிறார். நீண்ட இடைவெளிக்குப் பிறகு தமிழில் மீண்டும் வந்திருக்கிறார் ஸ்ரீ திவ்யா. இந்த படத்திற்கு கைதி படத்தின் இசையமைப்பாளர் சாம் சிஎஸ் இசையமைத்துள்ளார்.

4. கிடா

‘ஸ்ரவந்தி’ ரவி கிஷோர் தயாரிப்பில், ரா வெங்கட் இயக்கத்தில் வெளியாகவுள்ள திரைப்படம் கிடா. இந்த பட சர்வதேச திரைப்பட விழாவிற்கு தேர்வாகிய திரைப்படம். மறைந்த நடிகரான பூ ராமு, காளி வெங்கட் ஆகியோர் முதன்மைக் கதாபாத்திரங்களில் நடித்திருக்கிறார்கள்.

முழுக்க முழுக்க வணிக மயமாக இருக்கும் தமிழ் சினிமாவில் இந்த படம் வாழ்வியலை சொல்லக் கூடிய எடுத்துக்காட்டுகிறது. இந்தப் படத்திற்கு தீசன் இசையமைத்துள்ளார்.

புத்தாடை அணிந்து புதுவித பிட்சுகளுடன் புதுப்படத்தை பார்த்துக்கொண்டே புன்னகையுடன் கொண்டாவோம் தீபாவளியை.