சென்ட்ரல் – அரக்கோணம் வழித்தடத்தில், தண்டவாளப் பராமரிப்பு பணிகள் நடைபெற உள்ளதால், 94 மின்சார இரயில்கள் ரத்து செய்யப்பட்டுள்ளது. இன்று இரவு 10 இரயில்களும், நாளை இரவு 84 இரயில்களும் என மொத்தமாக 94 மின்சார இரயில்கள் ரத்து செய்யப்படுகின்றன.
இதுகுறித்து தெற்கு இரயில்வே வெளியிட்டுள்ள செய்திக்குறிப்பில் கூறியிருப்பதாவது: “சென்னை சென்ட்ரல் – அரக்கோணம் வழித்தடத்தில் பட்டாபிராம், அம்பத்தூர் பகுதிகளில் தண்டவாளப் பராமரிப்பு பணிகள் நடைபெற உள்ளது. எனவே, இன்று இரவு 9:25, 10:25 மணிக்கு மூர்மார்க்கெட்டில் இருந்து பட்டாபிராம் மிலிட்டரி சைடிங் செல்லும் மின்சார இரயில், இரவு 10:00 மணிக்கு மூர்மார்க்கெட்டில் இருந்து அரக்கோணம் செல்லும் இரயில், இரவு 10:20, 11:45 மணிக்கு மூர்மார்க்கெட்டில் இருந்து ஆவடி செல்லும் மின்சார இரயில், இரவு 11:15 மணிக்கு மூர்மார்க்கெட்டில் இருந்து திருவள்ளூர் செல்லும் இரயில், இரவு 11:15 மணிக்கு சென்னை கடற்கரையில் இருந்து பட்டாபிராம் மிலிட்டரி சைடிங் செல்லும் இரயில், இரவு 8:50 மணிக்கு அரக்கோணத்திலிருந்து மூர்மார்க்கெட்டிற்கு வரும் இரயில், இரவு 10:45 மணிக்கு பட்டாபிராம் மிலிட்டரி சைடிங்கில் இருந்து மூர்மார்க்கெட் வரும் இரயில், இரவு 11:55 மணிக்கு பட்டாபிராம் மிலிட்டரி சைடிங்கில் இருந்து ஆவடி செல்லும் மின்சார இரயில்கள் ரத்து செய்யப்படுகிறது.
இதேபோல நாளை காலை 7:50, 8:55, 9:25 மணிக்கு மூர்மார்க்கெட்டில் இருந்து ஆவடி செல்லும் மின்சார இரயில், காலை 3:50, 6:00 மணி, 7:40 மணிக்கு மூர்மார்க்கெட்டில் இருந்து திருத்தணி செல்லும் இரயில், காலை 4:15, 5:15, 6:20, 7:15, 7:30 மணிக்கு மூர்மார்க்கெட்டில் இருந்து பட்டாபிராம் செல்லும் மின்சார இரயில், காலை 4:15 மணிக்கு கடற்கரையில் இருந்து அரக்கோணம் செல்லும் இரயில், காலை 4:30, 5:00 மணி, 5:40, 6:50, 7:45, 8:05, 8:40, 9:15, 9:35 மணிக்கு மூர்மார்க்கெட்டில் இருந்து திருவள்ளூர் செல்லும் இரயில், காலை 5:30, 6:30, 7:00, 8:20, 9:10 மணிக்கு மூர்மார்க்கெட்டில் இருந்து அரக்கோணம் செல்லும் மின்சார இரயில், கடற்கரையில் இருந்து திருவள்ளூருக்கு காலை 5:20, 5:55 மணிக்கு செல்லும் மின்சார இரயில், கடற்கரையில் இருந்து ஆவடிக்கு காலை 6:50, 8:10 மணிக்கு செல்லும் மின்சார இரயில், சென்னை கடற்கரையில் இருந்து பட்டாபிராமுக்கு காலை 9:10 மணிக்கு செல்லும் மின்சார இரயில்கள் ரத்து செய்யப்படுகிறது.
இதேபோல, மறுமார்க்கமாக பட்டாபிராம் மிலிட்டரி சைடிங்கில் இருந்து காலை 3:20, 5:30, 6:35, 7:40, 8:45 மணிக்கு சென்னை மூர்மார்க்கெட் செல்லும் மின்சார இரயில்கள், ஆவடியில் இருந்து காலை 3:50, 4:00, 4:25, 6:10, 6:40, 9:15 மணிக்கு மூர்மார்க்கெட் புறப்படும் ரெயில்கள், ஆவடியில் இருந்து சென்னை கடற்கரைக்கு காலை 4:10, 4:35, 6:00, 7:05, 7:40, 7:55, 8:45 மணிக்கு புறப்படும் இரயில்கள், திருவள்ளூரில் இருந்து காலை 3.50, 4.45, 5.55, 6.50, 7.15, 7.40, 8.05, 8.20, 8.30, 9.10, 9.25 மணிக்கு மூர்மார்க்கெட் செல்லும் மின்சார இரயில்கள், அரக்கோணத்தில் இருந்து காலை 3.45, 4.25, 5.25, 6.40, 7.10, 8.15 மணிக்கு மூர்மார்க்கெட் வரும் மின்சார இரயில்கள், திருத்தணியில் இருந்து காலை 4.30, 5.30, 7 மணிக்கு மூர்மார்க்கெட் வரும் இரயில்கள், அரக்கோணத்தில் இருந்து காலை 6.20, 7.40 மணிக்கு சென்னை கடற்கரை செல்லும் மின்சார இரயில்கள் நாளை ரத்து செய்யப்படுகிறது என்று கூறப்பட்டுள்ளது.
