எல்லை தாண்டி மீன்பிடித்ததாகக் கூறி தமிழக மீனவர்கள் 22 பேரை இலங்கை கடற்படையினர் கைது செய்துள்ளனர். மேலும், அவர்களிடம் இருந்த இரண்டு விசைப் படகுகளையும் அவர்கள் பறிமுதல் செய்துள்ளனர்.
எல்லைகளில் மீன் பிடிக்கும் தமிழக மீனவர்களை இலங்கை கடற்படை கைது செய்து, அவர்களின் படகுகளைப் பறிமுதல் செய்வது தொடர்கதையாகி உள்ளது.
இந்த நிலையில், காரைக்கால் மீனவர்கள் 22 பேர் மீன்பிடிப்பதற்காகக் கடலுக்குச் சென்றுள்ளனர். அவர்கள் காங்கேசன் – பருத்தித் துறைக்கு இடைப்பட்ட பகுதியில் மீன்பிடித்துக் கொண்டிருந்தனர்.
அப்போது, அங்கு வந்த இலங்கை கடற்படையினர், எல்லை தாண்டி மீன்பிடித்ததாகக் கூறி 22 தமிழக மீனவர்களையும் கைது செய்தனர்.
மேலும், அவர்களிடம் இருந்த இரண்டு படகுகளையும் இலங்கை கடற்படையினர் பறிமுதல் செய்துள்ளனர். கைது செய்யப்பட்ட 22 மீனவர்களும், யாழ்ப்பாணம் மயிலிட்டி துறைமுகத்திற்கு அழைத்துச் செல்லப்பட்டனர்.
